Бодомнинг саломатлик учун фойдали хусусиятлари

^{Фото: Pinterest}
Бодом нафақат мазаси, балки фойдали хусусиятлари учун ҳам севиб истеъмол қилинади. Шундай экан, бодомнинг организм учун кўпчиликка номаълум фойдалари ҳақида билиб олинг.

Холестерин миқдорини камайтиради
Америкалик олимлар томонидан ўтказилган тадқиқотга кўра, бодом истеъмол қилиш қизил қон таначаларида E витамин даражасини оширади, шунингдек, юқори холестерин хавфини камайтиради. Антиоксидантлар қонда холестерин ҳужайраларнинг тиқилиб қолишига йўл қўймайди.

Қон айланишини яхшилайди
Тадқиқотчилар бодомни мунтазам истеъмол қилиш билан қон оқимига кўпроқ антиоксидантлар тушишини аниқлади, бу эса қон босимини пасайтиришга ва тананинг турли қисмларида қон оқимини яхшилашга ёрдам беради.

Қонда шакарни тартибга солади
Ушбу маҳсулотни истеъмол қилиш қонда шакар даражасини тартибга солиш ва барқарорлаштиришга ёрдам беради. Бунинг сабаби, унинг таркибида магний бор ва иккинчи тоифа диабетга чалинган одамлар учун бу касалликни барқарорлаштиришда муҳим рол ўйнайди.

Қон босими даражасини назорат қилишда ёрдам беради
Магний танқислиги юқори қон босимига олиб келиши мумкин. Бу юрак хуружи, инсульт ва буйрак етишмовчилигига олиб келади. Бодом таркибида магний мавжуд бўлиб, у қон босимини самарали назорат қилишга ёрдам беради.

Вазнни камайтиради
Ёнғоқ таркиби оқсил ва клетчаткага бой, углеводлар эса кам, шунинг учун иштаҳа бўғилади ва ортиқча вазн билан курашиш осонлашади. Бундан ташқари, умумий кунлик калорияни камайтиришга ёрдам беради. Тўйинганлик ҳисси туфайли овқатланиш миқдори камаяди.

Кўзлар учун фойдали
Бодомнинг таркибида кўп миқдорда E витамини мавжуд бўлиб, у кўзни ҳимоя қилади ва линзаларда ғайритабиий ўзгаришларнинг олдини олади.

Антиоксидантларга бой
Антиоксидантлар биринчи навбатда стрессдан ҳимоя қилишга қодир. Шунингдек, яллиғланиш, саратон ва қаришга қарши курашади. Бошқа нарсалар қаторида, антиоксидантлар терига яхши таъсир қилади. Бунинг учун кунига атиги 84 грамм бодом истеъмол қилиш кифоя.

Саратон касаллигининг олдини олади
Ёнғоқ таркибида кўп миқдорда клетчатка мавжуд бўлиб, у танани зарарсизлантиришга ёрдам беради. Уни истеъмол қилиш овқат ҳазм қилиш тизимидан осонроқ ўтишига ёрдам беради, бу эса йўғон ичак саратони хавфини камайтиради. Шунингдек, таркибида кўп миқдорда E витамини ва флавоноидлар мавжуд бўлиб, улар кўкрак саратони хавфини камайтиради.

Мия фаолиятини яхшилайди
Бодом таркибида мия ҳужайраларининг ўсишини қўллаб-қувватловчи L-карнитин ва рибофлавин мавжуд. Миянинг когнитив функциясига ёрдам берадиган асосий кимёвий моддалардан бири фенилаланин бўлиб, у ёнғоқларда ҳам мавжуд.

Анемияни даволашда ёрдам беради
Анемия одатда қизил қон таначалари мияга жуда кам кислород олиб кирганда пайдо бўлади. Маҳсулот таркибида кўпроқ гемоглобин ишлаб чиқаришга ҳисса қўшадиган мис, темир ва витаминлар мавжуд, бу анемиянинг олдини олиш ва даволаш учун воситага айланиши мумкин.

Ҳуснбузарларни бартараф этади
Косметологлар бодомнинг мойидан фойдаланишлари бежиз эмас. Бу омега ёғ кислоталари туфайли ҳар қандай тошма ва ҳуснбузар билан курашадиган энг яхши восита ҳисобланади. Бу кислоталар терида тиқилиб қолган ёғни назорат қилади ва шу билан ёғ ажралишини камайтиради.

Соч ўсишини яхшилайди
Танадаги магний етишмовчилиги соч тўкилишига олиб келади. Бодом таркибидаги магний сочларни тезроқ ва қалинроқ ўсишига ёрдам беради.

Энергия даражасини оширади
У организмдаги электролитлар миқдорини оширадиган муҳим минераллардан бири бўлган калийга бой ва шу билан энергия миқдорини оширади.

Спортчилар учун муҳим
Бодом таркибидаги синк мушак массасини оширишга ёрдам беради, мис юрак фаолиятини яхшилайди, магний метаболизмни тезлаштиради.

Ёш билан боғлиқ касалликлар хавфини камайтиради
E витаминининг юқори миқдори туфайли бодом Альцгеймер касаллиги, саратон ва юрак касалликлари хавфини камайтиради, бу кўпинча ёш ўтиши билан содир бўлади. Бироқ уни меъёрида истеъмол қилиш муҳим, чунки ортиқча E витамини простата саратонига олиб келиши мумкин. “Замин” янгиликларини “Facebook”да кузатиб боринг