Криптовалюта кредитлаш платформаси бўлган Селсиус компаниясининг собиқ тижорат директори Рони Коҳен-Павон суд ҳукми эълон қилинишидан олдин АҚШ расмийларига 1 миллион доллардан ортиқ маблағни қайтаришга рози бўлди. Нью-Йорк жанубий округи прокуратураси маълумотларига кўра, ушбу сумма мансабдор шахснинг ноқонуний ҳаракатлари натижасида олинган даромадларни қоплайди. Бу ҳақда Cointelegraph.com хабар беради.
Коҳен-Павон 2023-йил сентябрь ойида фирибгарлик ва СEЛ токени нархини манипуляция қилишда айбига иқрор бўлган эди. Proкуратура унинг терговга кўрсатган ёрдамини инобатга олиб, жазони енгиллаштириш масаласини кўриб чиқишни сўради. Собиқ директор ўз хатоларини тан олиб, қилмишлари учун тўлиқ жавобгарликни зиммасига олишини билдирган.
Селсиус платформасининг 2022-йилда банкрот бўлиши крипто саноатидаги энг йирик инқирозлардан бири ҳисобланади. Компаниянинг собиқ бош директори Алех Машинскй ҳам фирибгарлик айбловлари билан 12 йиллик қамоқ жазосига ҳукм қилинган ва 48 миллион доллардан ортиқ маблағни мусодара қилишга рози бўлган эди.
Ушбу иш ФТХ биржаси асосчиси Сам Банкман-Фриед билан боғлиқ жараёнлар фонида давом этмоқда. Банкман-Фриед 25 йиллик қамоқ жазосига ҳукм қилинган ва 11 миллиард доллардан ортиқ жарима тўлаши белгиланган. Ҳозирда суд тизими крипто соҳасидаги йирик молиявий жиноятларни қатъий назорат остига олган.
“Zamin”ни Telegram'да ўқинг!
