Россия ва Ўзбекистон рус нефтини ташиш йўналишларини муҳокама қилади

  • 20 апрель 2017, 16:35
  • 4 086
  • Иқтисодиёт
  • Россия ва Ўзбекистон рус нефтини ташиш йўналишларини муҳокама қилади
    Россия ва Ўзбекистон федерация ҳудудидан нефть ташиш йўналишлари ҳамда ҳажмини муҳокама қилишни давом эттиради. Бу ҳақда Россия Энергетика вазирлиги матбуот хизматига асосланган ҳолда Кун нашри хабар берди.

    «Ўзбекнефтгаз» ва Россия энергетика вазирлиги ўртасида англашув меморандуми Ўзбекистон президенти Шавкат Мирзиёевнинг Москвага ташрифи доирасида имзоланганди. Унга кўра томонлар турли соҳалар қатори Ўзбекистонга нефть етказиб бериш бўйича ҳамкорлик қилишга келишганди.

    Меморандумнинг амалиётини мувофиқлаштириш учун уч томонлама ишчи гуруҳ ташкил қилинган.
    Россия Федерацияси энергетика вазири ўринбосари Кирилл Молодцовнинг таъкидлашича, Ўзбекистонга Қозоғистон орқали нефть етказишнинг иккита эҳтимолий маршрути мавжуд. Унинг сўзларига қараганда, улар ҳозирда ўрганиб чиқилмоқда.

    Тошкентда 13-14 апрель кунларида икки мамлакат вакиллари ўртасида учрашув ўтказилган ва унда Ўзбекистонга нефть етказиб бериш соҳасидаги муносабатларнинг истиқболлари муҳокама этилганди.

    Март ойида, Ўзбекистон президентининг Қозоғистонга ташрифи доирасида «Ўзбекнефтгаз» ва «ҚазМунайГаз» компаниялари ўртасида нефтгаз соҳасида ҳамкорлик тўғрисида битим имзоланганди. Унга кўра, «ҚазМунайГаз» Россия нефтини Ўзбекистонга транзит қилади.

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Россия ва Ўзбекистон рус нефтини ташиш йўналишларини муҳокама қилади