“0хфлорент” тахаллуси билан танилган оқ хакер деярли ўн йил давомида носоз смарт-контрактда қолиб кетган 2 миллион долларлик Ethereum (ЭТ) маблағларини қайтаришга муваффақ бўлди. Хакернинг сўзларига кўра, у Ҳонг Коин (ҲОНГ) лойиҳасининг ИКО жараёнида иштирок этган 48 нафар инвесторгача тегишли бўлган 1 003 ЭТ миқдоридаги маблағни блокдан чиқарган. Бу ҳақда Cointelegraph.com хабар беради.
Ҳонг Коин лойиҳаси 2016-йилда марказлашмаган венчур фонди сифатида ишга туширилиши режалаштирилган эди. Бироқ лойиҳа ўзининг молиявий мақсадига эриша олмагани сабабли фаолиятини тўхтатган. Смарт-контракт қоидаларига кўра, йиғилган барча инвестициялар автоматик равишда эгаларига қайтарилиши керак эди, аммо тизимдаги хатолик туфайли маблағлар блокланиб қолган.
Этерскан маълумотларига кўра, ҳозирда инвесторлардан бири 96 ЭТ (тахминан 192 500 доллар) миқдоридаги маблағини қайтариб олган. 0хфлорент лойиҳа яратувчилари билан ҳамкорлик қилиб, админ функциясидаги “интегер оверфлов” заифлигидан фойдаланган ҳолда балансларни қайта тиклаш ва пулни қайтариш механизмини ишга тушириш йўлини кўрсатиб берган.
Ушбу муваффақиятли операция крипто оламида хавфсизлик ва эски кодлардаги хатоликларни тузатиш муҳимлигини яна бир бор исботлади. Аввалроқ, май ойида ҳам ушбу хакер 2018-йилдаги муваффақиятсиз лойиҳалардан биридан 19,33 ЭТ миқдоридаги маблағни қутқариб қолган эди.
“Zamin”ни Telegram'да ўқинг!
