Ўзбекистон ҳукумати бугунги кунда мамлакатда тадбиркорлар учун мавжуд солиқлар сонини қисқартириш устида иш олиб бормоқда. Халқаро Пресс-клубда бўлиб ўтган «Ўзбекистоннинг замонавий солиқ сиёсати: вазифалар ва амалга ошириш механизми» мавзусидаги навбатдаги сессияда шу ҳақда маълум қилинди. Ўзбекистон иқтисодиёт вазири ўринбосари Шуҳрат Исмоилов бу масалага қуйидагича ойдинлик киритди, деб ёзмоқда Кун.уз нашри.
«Бугунги кунда бизда тадбиркорлик қилиш, сармоялар жалб этиш учун қатор имтиёзлар бор. Аммо ишлаб чиқариш соҳасида фаолият юритувчи тадбиркорлик субъектлари солиқ тўлаш борасида маълум бир муаммоларга дуч келмоқда. Ўзбекистон Жаҳон банкининг Doing Business рейтинги солиқ тўлаш бандида жуда қуйи, яъни 141-ўринда. Бунинг сабабларидан бири 46 турдаги солиқ тўловлари мавжудлигидадир.
Ривожланган мамлакатларда йилига 4-5 турдаги солиқлар мавжуд. Бу йўналиш солиқ миқдорларини камайтириш бўйича ишлаб чиқаётган ҳужжатларда қайд этилади. Оддий тадбиркор учун солиқ тўлаш механизмини ҳам соддалаштиришимиз керак», – деб қайд этди Исмоилов.
Яқинда давлат раҳбари томонидан қабул қилинган солиқ тизимини ислоҳ қилишга доир фармонида қайд этилганидек, 2018 йил 1 январидан Ўзбекистонда солиқ таътилларини жорий этиш кўзда тутилган. Бу амалиёт, асосан, холис ва пок солиқ тўловчилар мушкул иқтисодий ҳолатга тушиб қолганда уларга қонунчиликда белгиланган тартибда енгиллик тақдим этиш мақсадида қўлланилади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шольц ва Путин ўртасидаги суҳбат Киевга сигнал бўлди
Айрим бошқарув сервис компаниялари шартномаларида асоссиз шартлар белгилангани аниқланди
КХДР етакчиси дронларни оммавий ишлаб чиқаришни йўлга қўйишни буюрди
Россиялик депутат: «Олий маълумотлиларнинг курерлик қилиши — ватанпарварликка зид»
20 ёшли ўзбекистонлик қизни қариндоши Туркияга сотиб юборди
Байден ва Жинпинг Перуда учрашди: «Агар бир-биримизни рақиб деб билсак, муносабатларни бузамиз»
Туркиянинг Harper’s Bazaar нашри йил аёлини аниқлади (фото)
Жо Байден: “Баъзан хотиним мени космосга жўнатиш билан таҳдид қилади”
