5 880
«Бу рўй берди!». Тадбиркор ва зиёлилар эркин конвертацияга ўтиш бошланишига ўз муносабатларини билдиришмоқда
Ўзбекистон Республикаси Президенти Шавкат Мирзиёев 2 сентябрь куни «Валюта сиёсатини либераллаштириш бўйича биринчи галдаги чора-тадбирлар тўғрисида»ги ПФ-5177 сонли фармонни имзолади, деб ёзади Kun.uz нашри.
Тарихий фармоннинг эълон қилиниши билан бир қатор таниқли тадбиркорлар ва зиёлилар ижтимоий тармоқларда ўзгаришларга ўз муносабатини билдирмоқда. Қуйида улар билан танишиб чиқишингиз мумкин.
«Амалга ошди! Барчани тарихий қарор қабул қилингани билан табриклайман. Ҳукуматнинг иқтисодий ислоҳотларга қўл уришини эълон қилиш, шунчаки декларация эмас. Бу қарор мамлакат раҳбарининг бозор иқтисодиёти қонунларига асосланиб, яхши сиёсат олиб боришга интилишини билдиради», дейди Korzinka.uz супермаркетлар тармоғи раҳбари Зафар Ҳошимов.
«Бу Ўзбекистон Республикаси Президенти сўнгги даврда қабул қилган энг асосий қарорлардан бири ва кўп муҳокама этилганди. Эндиликда, асосланмаган ҳолда турли тармоқларда нархларнинг ошиб кетишига қарши курашиш лозим. Масалан, Инҳа университетида таълим контракти бир ўқув мавсуми учун 5000 АҚШ долларини ташкил этади. Бугун (3 сентябрь - таҳрир.) Марказий Банк расман эълон қилган курс 4210 сўм бўлса, бу 21 миллион сўм тўланиши керак, дегани. Алоқа операторлари ва провайдерлари билан ҳам шунга ўхшаш платформа яратилади», дейди Ахборот технологиялари ва коммуникацияларини ривожлантириш вазири вазифасини бажарувчи Шерзод Шерматов.
«2017 йил 5 сентябрь санасидан Ўзбекистоннинг янги тарихи бошланади», дейди Paynet тизими ва LeBaazar асосчи Ботир Орифжонов.
«Ва ниҳоят, шу онларга етиб келдик. Эркин конвертациянинг мавжуд эмаслиги, сўнгги йилларда иқтисодиётимизнинг гуркираб ривожланиб кетишини секинлаштириб қўйган асосий омил эди», дейди Ўзбек-Хитой савдо уйи раҳбари ва TexnoPlaza асосчиси Ҳикмат Абдураҳмонов.
«5 сентябрь санасини Конвертация куни сифатида нишонласак ҳам бўлар, деб ўйлайман. Атрофдаги миллатлар бизни тушунмаслиги мумкин, лекин биз нимани нишонлаётганимизни биламиз: бу воқеани 21 йил кутдик... Бу даврда фарзандлар ва набиралар улғайди», дейди мустақил мутахассис, иқтисодчи Юлий Юсупов. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Шахмат. Нодирбек Абдусатторов "TePe Sigeman" турнирида чемпион бўлди
Латвия ҳаво кучлари қўмондони: “Украина суверенитетни сақлаб қолиш учун ҳудудининг бир қисмидан воз кечиши керак”
Фаластин тарафдорлари намойишлари бутун дунё университетларини қамраб олмоқда
Энди мактабларда педагогик синфлар ташкил этилади
Грузия Бош вазири АҚШга ташриф буюришдан бош тортди
Деменциядан ҳимоя қилади ва кайфиятни кўтаради: биргина маҳсулотдан супер ичимлик
Парагвайда футбол учрашувида махсус кучлар футболчилар ва мухлисларга қарата ўт очди
Карло Анчелотти Арда Гюлер ҳақидаги саволга кескин жавоб қайтарди
