Украина давлат қарзи 76 млрд доллардан ошиб кетди

Украина давлат қарзи 31 июлга келиб 76 млрд доллардан ошиб кетди. Бу ҳақда мамлакат Молия вазирлиги маълумотларида айтилади.

2016 йилнинг декабридан давлат қарзи тахминан 6 млрд долларга ошган. 2014 йилги ҳодисаларга қадар, 2013 йилнинг декабрида Украина давлат қарзи 73,16 млрд долларни ташкил этганди.

Ҳозирги вақтда давлат қарзининг умумий миқдоридаги 37,44 млрд доллар тўғридан-тўғри ташқи қарз ҳиссасига тўғри келса, 26,6 млрд доллар ички қарздорликка алоқадор – қимматли қоғозлар бўйича мажбуриятлар ва молиявий ташкилотлар олдидаги қарз. Давлат томонидан кафолатланган қарз миқдори 12,02 млрд долларни ташкил этади.

Манба: Kun.uz «Замин»ни Telegram’да ўқинг!