19:14 / 18.08.2018
4 599

Марказий банк: Иқтисодиётдаги «долларлашув» даражаси камайтирилади

Марказий банк: Иқтисодиётдаги «долларлашув» даражаси камайтирилади
2018 йилнинг 17 август куни Ўзбекистон Республикаси Марказий банки Бошқаруви Тижорат банкларининг Марказий банкда депозитга ўтказиладиган мажбурий резервларини ҳисоблаш ва депозитга ўтказиш тартиби ҳамда меъёрларига ўзгартириш киритиш тўғрисида қарор қабул қилди, деб хабар бермоқда Марказий банк ахборот хизмати.

Қайд этилишича, пул-кредит сиёсати инструментларини такомиллаштириш ва самарадорлигини ошириш бўйича босқичма-босқич амалга оширилаётган чоралар доирасида Марказий банк Бошқаруви томонидан мажбурий резервлар тартиби ва меъёрларига, жорий йилнинг 1 октябридан амал қилиниши кўзда тутилган ўзгартиришлар киритилди.

Хусусан:
- мажбурий резервларни тижорат банклар томонидан жалб қилинган мажбуриятларнинг валютасидан қатъий назар фақат миллий валютада шакллантириш бўйича тартиб ўрнатилмоқда;

- юридик ва жисмоний шахсларнинг депозитлари бўйича меъёрлари бир хиллаштирилмоқда;

- юридик шахсларнинг миллий валютадаги депозитлари учун мажбурий резервлар меъёрлари пасайтирилмоқда;

- чет эл валютасидаги депозитлар бўйича мажбурий резервлар учун нисбатан юқори меъёрлар киритилмоқда.

Ушбу ўзгартиришлар:
- миллий валютадаги депозитлар бўйича фоиз ставкаларининг жозибадорлигини оширишга;

- иқтисодиётдаги “долларлашув” даражасини камайтиришга;

- банк тизимидаги ликвидликни тартибга солишда бозор механизмларининг самарадорлигини оширишга хизмат қилади.

Шу билан бирга, иқтисодиётдаги инфляциянинг прогноз даражаси ва фоиз ставкалари динамикасидан келиб чиқиб, келгусида пул-кредит сиёсати таъсирчанлигини ошириш мақсадида унинг инструментларига Марказий банк томонидан тегишли ўзгартириш ва қўшимчалар киритиб борилади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Иқтисодиёт » Марказий банк: Иқтисодиётдаги «долларлашув» даражаси камайтирилади