ДСҚ янги Солиқ кодекси келгуси йил 1 январидан кучга кириши мумкинлигини маълум қилди

Ўзбекистоннинг янги Солиқ кодекси келгуси йилдан ишлай бошлаши керак, деди давлат солиқ қўмитаси бошқарма бошлиғининг ўринбосари Азиз Умирзақов.

«Солиқ кодекси 1 январдан кучга киришини кутиш мумкин. Янги меъёрлар келгуси йилдан ишлай бошлаши учун бор имкониятни ишга соламиз. Ислоҳотлар борасида тажрибага эгамиз, ўз хато ва устунликларимизни биламиз. Буларнинг барини янги кодексда акс эттирдик. Солиқ тизимини мақбуллаштириш жараёнини чўзмаслик учун уни келгуси йилдан жорий этишимиз лозим», – деди Умирзақов.

Унинг сўзларига кўра, ҳужжат «яқин вақт ичида» муҳокамага қўйилади, ҳозирда уни мувофиқлаштириш жараён кечмоқда.

Эслатиб ўтамиз, солиқ тизимини такомиллаштириш концепциясига кўра, янги кодекс 2019 йил 1 январдан кучга кириши лозим эди. Бироқ муддат ортга сурилди. «Замин»ни Telegram’да ўқинг!