“Тошкент йўловчи вагонларини қуриш ва таъмирлаш заводи” акциядорлик жамияти жамоаси худди шу тамойилга амал қилаётгани бу ерда ишлаб чиқараётган вагонлардан нафақат республикамиз темир йўл йўналишларида самарали фойдаланиляпти, балки уларга хорижликлар ҳам катта қизиқиш билдиришмоқда. Масалан, заводдан куни кеча навбатдаги иккита вагон қўшни Қозоғистонга жўнатилди.
Шу ўринда мазкур вагонларга алоҳида тўхталиб ўтиш жоиз. Чунки у аввалгиларидан бир жиҳати, яъни имконияти чекланган йўловчилар учун махсус купеси мавжудлиги билан алоҳида ажралиб туради.
— Ушбу вагон мижозлар талаб ва истакларига кўра, ўзимизнинг муҳандис-конструкторларимиз томонидан лойиҳалаштирилди, — дейди заводнинг бош конструктори Абдуқодир Ўролов. — Унда мутахассисларимиз ногиронлар учун бир қатор қулайликлар яратишга ҳаракат қилишган. Хусусан, вагон ва купенинг кириш қисми, йўлаклари кенгайтирилган. Ногиронлик аравачасини олиб чиқиш учун махсус кўтарувчи мослама билан жиҳозланган.
Купе ҳам худди шу талаблар асосида жиҳозланган. Хусусан, унинг эшик рақами ҳам кўзи ожизлар учун “брайл” алифбосида туширилган. Вагон кузатувчисини чақириш тугмаси, ички ва ташқи ҳароратни, вақтни билдирувчи мосламалар овозли тарзда маълумот беради.
Қайд этиш жоизки, янги вагоннинг 60 фоиз бутловчи қисмлари корхонанинг ўзида тайёрланмоқда. Иситиш ва совитиш тизимлари, бошқарув пульти, юқори ва паст кучланишли махсус электр мосламаси, тиркамани шулар сирасига киритиш мумкин.
Эндиликда “Ўзтемирйўлйўловчи” акциядорлик жамияти халқаро йўналишлардаги поездларни ҳам шу каби жаҳон стандартларига мос вагонлар билан таъминлашни режалаштирмоқда.
Маълумот учун айтиб ўтиш керакки, “Тошкент йўловчи вагонларини қуриш ва таъмирлаш заводи” акциядорлик жамиятида бир йилда 350-400 та вагон таъмирланиб, 50 та янги вагон қурилади ва буюртмачиларга етказиб берилади. Бунда корхона цехларининг энг илғор технологиялар билан жиҳозлангани муҳим аҳамият касб этяпти, албатта.
Дилшод УЛУҒМУРОДОВ
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
