ОАВ: Ака-ука Гупталар Ўзбекистонга сармоя киритишни режалаштирмоқда

  • 20 июль 2019, 15:30
  • 1 409
  • Иқтисодиёт
  • ОАВ: Ака-ука Гупталар Ўзбекистонга сармоя киритишни режалаштирмоқда
    Жанубий Африка Республикаси (ЖАР)да қонунларни бузиш ва маблағларни ўзлаштириш учун таъқиб этилаётган ака-ука Гупталар ҳозир инвестициялар учун янги майдонча изламоқда. Бу ҳақда Ҳиндистоннинг Business Television India (BTVI) телеканали хабар берди.

    Асли келиб чиқиши Саҳаранпур (Ҳиндистондаги шаҳар, Уттар-Прадеш штатида шу номдаги округ маъмурий маркази)дан бўлган ака-укалар бугунги кунда Дубайда яширинмоқда. BTVI хабарида айтилишича, улар Ҳиндистонда тиббий корхона очишди ва Ўзбекистонда университет очиш ниятида.

    Гупталар оиласи - бой ҳинд оиласи бўлиб, ака-укалар биргаликда бизнес олиб боришади. Оила 1993 йилда Ҳиндистондан ЖАРга кўчиб ўтиб, у ерда Sahara Computers компаниясига асос солган.

    Кейинчалик ака-ука Гупталар ушбу Африка мамлакатида кўмир конлари, муҳандислик компаниялари, оммавий ахборот воситалари, олмос шахталари, темир йўллари ва турли соҳаларда фаолият юритадиган бошқа компанияларни ўз ичига олган бизнес империясини яратди.

    Таъсир доираси ўсиб боргани сари тадбиркорлар нафақат молиявий қонунбузилишлар, балки ҳукумат ишларига аралашувда ҳам гумонлана бошланди. Охир-оқибат уларга қарши жиноят ишлари очилиб, ака-укалар мамлакатдан чиқиб кетишга мажбур бўлди.

    » » ОАВ: Ака-ука Гупталар Ўзбекистонга сармоя киритишни режалаштирмоқда