2 499
Солиқ қонунчилигига риоя этилишини назорат қилувчи ягона ахборот платформаси ишлаб чиқилади
Фото: Давлат солиқ қўмитаси
Давлат солиқ қўмитасида “Huawei” компанияси бош директори Лю Цзясин бошчилигидаги делегация аъзолари билан учрашув бўлиб ўтди. Бу ҳақда ДСҚ матбуот хизмати хабар қилмоқда.
Қайд этилишича, унда Ўзбекистон солиқ тизимига рақамли технологияларни жорий этиш ва давлат солиқ хизмати органлари учун ягона ахборот платформасини ишлаб чиқиш масалалари муҳокама қилинган.
Учрашувда Лю Цзясин Ўзбекистондаги каби кенг кўламли солиқ ислоҳотлари ўз вақтида Хитойда ҳам амалга оширилганлиги, бунда соҳани тартибга солиш ва оптималлаштиришга алоҳида эътибор қаратилганлиги, ягона ахборот платформаси солиқ қонунчилигига риоя этилишида самарали асос бўлиб хизмат қилганлигини қайд этиб ўтди.
1994 йилда “Huawei” ва унинг ҳамкори “CEIEC” компаниялари томонидан Хитойда “Golden tax” (“Олтин солиқ”) ахборот платформаси ишлаб чиқилган. Мазкур тизим соҳани ахборотлаштириш орқали ишлаб чиқарилган маҳсулотларнинг истеъмолчигача бўлган ҳаракатини ҳамда ушбу жараёнда тўловларнинг амалга оширилишини ҳар бир иштирокчи кесимида назорат қилиш имконини беради.
Учрашувда айнан Хитойда солиқ тизимини рақамлаштиришга оид тажрибаси бўйича фикр алмашилди.
Тадбир якунида “Huawei” компанияси вакиллари ва Давлат солиқ қўмитаси раҳбарияти ўртасида ҳамкорлик истиқболлари белгилаб олинди. Хусусан, ўзбекистонлик мутахассислар Хитойга ташриф буюриб, “Golden Tax” тажрибасини яқиндан ўрганиши, ўқув машғулотларида иштирок этиши режалаштирилди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Лукашенко Ғарбга таҳдид билан чиқди
АҚШнинг Ғазодаги сиёсатидан норози Давлат департаменти расмийси истеъфога чиқди
Қайси кундалик одатлар иммунитет пасайишига олиб келишини биласизми?
Тошкентда 02 кодли авторақамлар тахминан қачон пайдо бўлиши айтилди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради