Ўзбекистон Афғонистон билан электр энергияси етказиб бериш бўйича 10 йиллик шартнома имзолади

«Ўзбекистондан Афғонистонга электр энергия етказиб бериш бўйича шартнома имзоланди. У 10 йиллик муддатга «Ол ва тўла» тамойили асосида барпо этилаётган «Сурхон-Пули-Хумри» электр узатиш линияси (ЭУЛ) бўйича «Ўзбекистон миллий электр тармоқлари» АЖ ва «Da Afghanistan Breshna Sherkat» (DABS) (Афғонистон Ислом Республикаси) ўртасида тузилган.

Электр энергияни етказиб бериш ҳажми дастлабки босқичда 4,2 миллиард кВт.с ни ташкил этади ва келгусида 6 миллиард кВт.с. га етказилади», дейилади Ўзбекистон Республикаси Энергетика вазирлиги матбуот хизмати хабарида.