13:15 / 29.12.2020
961

Ўзбекистонга 2021 йилда 7,5 млрд доллар инвестиция жалб қилиш режалаштирмоқда

Ўзбекистонга 2021 йилда 7,5 млрд доллар инвестиция жалб қилиш режалаштирмоқда
Ўзбекистонда йил якуни бўйича жалб этилган тўғридан-тўғри хорижий инвестициялар ҳажми аввалги йилдагига нисбатан ошиб, 6,6 миллиард долларга етиши ва экспорт кўрсаткичи 15,1 миллиард доллар миқдорида бўлиши прогноз қилинмоқда. Spot’нинг ёзишича, бу маълумотлар Инвестиция ва ташқи савдо вазирлиги матбуот хизмати томонидан келтирилган.

Дунёда тўғридан-тўғри хорижий инвестициялар миқдорининг 40 фоизга пасайиши ва 2020 йилда жаҳон савдоси ҳажмининг 25 фоизга камайганига қарамай, мамлакатда йирик инвестиция лойиҳалар ишга туширилган.

«Келгуси йилда 7,5 миллиард долларлик тўғридан-тўғри хорижий инвестицияларни жалб қилиш ва экспорт ҳажмини 17 миллиард долларга етказиш режалаштирмоқда. Бунда устувор соҳа энг юқори иқтисодий самарага эга бўлган иқтисодиёт соҳаси бўлади», — дейилади вазирлик хабарида.

Бунинг учун миллий экспортчилар билан ишлашда қуйидаги йўналиш кучайтирилади:
- экспортдан олдин молиялаштириш;
- маҳаллий товарларни халқаро электрон тижорат сайтларида жойлаштириш ва рўйхатдан ўтказиш;
- ўзбек брендларини жаҳон бозорларига олиб чиқиш.

Эслатиб ўтамиз, Инвестициялар ва ташқи савдо вазирлиги Ўзбекистонда 2020 йилнинг январь–июнь ойларида ўзлаштирилган хорижий инвестицияларнинг умумий ҳажми 4,8 миллиард долларни, шу жумладан, тўғридан-тўғри хорижий инвестициялар – 3,2 миллиард долларни ва давлат кафолати остидаги хорижий кредитлар — 1,6 миллиард долларни ташкил этганини маълум қилганди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)