Имон Каримова онаси ҳақида: «Бизни учраштиришмаяпти»

Биринчи президент Ислом Каримовнинг невараси Имон Каримова Инстаграм саҳифасида онаси Гулнора Каримова билан анчадан бери кўришмаётгани ҳақида ёзган.

«Ҳар куни мендан онам ҳақида янгилик борми, деб сўрашади. Шунча йилдан бери бирорта қўнғироқ ҳам, хат ҳам йўқ. Энди тушуняпмиз, ҳаммаси вақтдан ютиш учун берилган қуруқ ваъда экан. На менга, на бувимга (Татяна Каримова — таҳр.) онам билан кўришишга рухсат беришяпти. Худо хоҳласа, тез орада яхши хабарлар эшитайлик», деб ёзган у.