Фото: Видеодан кадр
Интернетда Чирчиқ шаҳридаги комбинатда портлаш юз бергани акс этган видеолар тарқалди. Унда айтилишича, ҳодиса 4 октябрь куни эрталаб содир бўлган. Портлаш зарбидан яқин атрофдаги турар жойларнинг деразалари ларзага келган.
Фавқулодда вазиятлар вазирлиги ахборот хизмати ҳодиса бўйича бирламчи маълумот берди. Бироқ ушбу баёнотда портлаш натижасида жабрланганлар бор ёки йўқлигига аниқлик киритилмаган.
“4 октябрь куни соат 08:40 ларда Чирчиқ шаҳрида жойлашган “Maxam Chirchiq” АЖ корхонасининг Синтез цехида чақнаш содир бўлгани тўғрисида Тошкент вилояти Фавқулодда вазиятлар бошқармасига хабар келиб тушган.
Воқеа жойига Тошкент вилояти ФВБ раҳбари бошчилигида ходимлари ва махсус техникалар жалб этилган. Ҳозирда вазият оқибатлари бартараф этилмоқда. Вазият назоратга олинган”, дейилади баёнотда.
Тошкент вилояти ИИББ ахборот хизмати ФВВдан фарқли ўлароқ ҳодисани ўз номи билан портлаш деб атаган. Баёнотда ҳозирги пайтда заводда ёнғинни қуршаб олиш ва ўчириш чораси кўрилаётгани, портлашни келтириб чиқарган сабаблар ва оқибатлари юзасидан қўшимча ахборот берилиши маълум қилинган.
Ўтган йили Янги-Ангрен ИЭСда содир бўлган портлаш оқибатида уч киши ҳалок бўлган, ҳодисага қозон тозаловчиларнинг хавфсизлик техникасига риоя этмаганлиги сабаб бўлгани айтилганди.
— Шухрат Раззаков (@ShuhratRazzakov) October 4, 2022“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Тбилисида номаълум шахслар намойишчиларга ҳужум қилди
3 минг нафар ўзбекистонлик Кореяга автомобилсозлик йўналишида ишга юборилиши мумкин
Содиқ Хон учинчи бор Лондон мэри этиб сайланди
Гулистонда Nexia автомашинасининг газ баллони портлаб кетди (видео)
Дунёдаги энг тез суперкар концепцияси ишлаб чиқилди (видео)
Роналду Мессидан узоқлашмоқда!
Канчельскис Ўзбекистон ва Қозоғистон футболини таққослади: "Улар жуда олдинлаб кетишган"
Макронни Россия ракеталари қўрқитиб юборди
