Хитойликлар чойнинг асосий билимдонлари сифатида дамлагандан бир кун ўтгач, уни ҳеч қачон ичмасликни тавсия қилади. Бунинг сабаблари бор: маълум бўлишича, бир неча соатдан кейин дамланган чой организм учун деярли заҳарга айланади.
Олимлар чой дамланганидан 15 дақиқа ўтгач, унда зарарли моддалар ҳосил бўлади деган хулосага келди. Кечаги чой барча фойдали ферментлар ва витаминлардан бутунлай маҳрум: уларнинг ўрнига ичимликда замбуруғ споралари ва хавфли бактериялар фаол равишда кўпая бошлайди.
Чойда худди шу бактериялар мавжудлигини аниқлаш жуда оддий. Агар ичимлик оксидланиш жараёнларини кўрсатувчи юпқа плёнка билан қопланган бўлса, уни энди ичолмайсиз. Кечаги чойдан истеъмол қилиш организм учун бир қатор нохуш оқибатларга олиб келади.
Ичимликдаги плёнка қавати ошқозон ва ичак деворларини ўраб олади. Шу билан озиқ моддаларининг инсон организмига киришига тўсқинлик қилади. Шундай экан кечаги чой нафақат ошқозон яраси, гастрит ва панкреатитнинг шаклланишига, балки аллергия, шунингдек, милкларнинг қонаши ва бош айланишига олиб келиши мумкин.
Дарвоқе, ҳақиқий хитойлик чой билимдонлари учун кечаги чой табу ҳисобланади. Улар уни ичишдан бош тортишларини унда “заҳар” борлиги билан таъкидлайдилар. Қайсидир маънода хитойликлар ҳақ, чунки эскирган чой барглари энди организмга ҳеч қандай фойда келтирмайди.
“Замин” янгиликларини “Telegram”да кузатиб боринг
