Ўзбекистонда Инсон ҳуқуқлари бўйича вакилнинг ваколатлари кенгайтирилиши кутилмоқда.
Олий Мажлис Қонунчилик палатасининг хабар қилишича, 17 июль куни Демократик институтлар, нодавлат ташкилотлар ва фуқароларнинг ўз-ўзини бошқариш органлари қўмитаси томонидан “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида”ги қонун лойиҳаси муҳокамасига бағишланган ишчи гуруҳ йиғилиши ўтказилди.
Қонунчилик палатасининг бир гуруҳ депутатлари томонидан қонунчилик ташаббуси ҳуқуқи асосида ишлаб чиқилган қонун лойиҳаси 9 боб, 56 моддадан иборат. Қонун лойиҳаси билан Омбудсманнинг институционал асосларини мустаҳкамлаш мақсадида халқаро тажрибани ўрган ҳолда унда Омбудсман ўз олдида турган вазифаларини монеликсиз ва самарали амалга ошириши учун қўшимча кафолатлар белгиланмоқда.
Шунингдек, Омбудсманнинг фаолияти тўғрисидаги маъруза Олий Мажлис палаталарининг мажлисларида ҳар йили эшитилиши назарда тутилмоқда. Давлат органлари, шу жумладан, ҳуқуқни муҳофаза қилувчи ва назорат қилувчи органлар томонидан инсон ҳуқуқлари, эркинликлари ва қонуний манфаатларини ҳимоя қилишга оид қонун ҳужжатларига риоя этилиши ҳолати тўғрисида Омбудсман томонидан президент ва Олий Мажлис палаталарига ахборот тақдим этиш тартиби мустаҳкамланяпти.
Якунда ишчи гуруҳ томонидан қонун лойиҳасини Қонунчилик палатасининг навбатдаги мажлиси кун тартибига биринчи ўқишда кўриб чиқиш учун киритишга келишиб олинди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Селдерей, сабзи ва қанд миқдорини оширувчи кутилмаган бошқа маҳсулотлар
Қишлоқликларни «жирканч маҳлуқот» деб атаган қиз жаримага тортилди
Афғонистон миллий қаршилик фронти раҳбари: “Толибон” АҚШ пулига жиҳод мактаблари қурмоқда
Тадбиркорларга қонунчиликда тақиқланмаган ҳар қандай фаолиятни амалга ошириш ҳуқуқи берилади
Шакира Америка кубоги финалидаги 8 дақиқалик чиқиши учун қанча гонорар олди? (видео)
Жаҳоннинг энг зўр боксчиси Теренс Кроуфорд Исроил Мадримов ҳақида нималар деди?
Университетга ўқишга киритиб қўйишни ваъда қилган директор ўринбосари ушланди
Маск Трамп кампаниясига миллионлаб доллар ажратади
