Олий Мажлис Сенатининг кенгаши президент тақдимномасига мувофиқ Марказий Банк бошқаруви раиси лавозимига Тимур Ишметовни тайинлаш тўғрисида қарор қабул қилди.
Аввалроқ Мамаризо Нурмуратов Марказий Банк бошқаруви раиси лавозимидан озод этилган эди.
Тимур Аминжанович Ишметов, 1979 йилда туғилган, 2000 йилда Тошкент молия институтининг молия-кредит факултетини тамомлаган. 2005 йилда Бирмингем университетининг International Money and Banking йўналишини тугатган. Шунингдек, 2007 йилда Тошкент давлат юридик университетининг ҳуқуқшунослик факултетини тамомлаган.
Меҳнат фаолиятини 2000 йилда Марказий Банкда иқтисодчи сифатида бошлаган, у ерда турли лавозимларда ишлаган. 2017−2019 йилларда Марказий Банк раиси биринчи ўринбосари лавозимида ишлаган. 2019-2020 йилларда Молия вазирининг биринчи ўринбосари, 2020-2022 йилларда Молия вазири лавозимида фаолият юритган. 2022 йилдан буён давлат раҳбарининг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчисининг биринчи ўринбосари лавозимида ишлаб келаётган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
