Каттақўрғон туманида эшак сўйиб, унинг гўштини сотиш билан шуғулланиб келган шахслар аниқланди. Бу ҳақда ижтимоий тармоқларда тарқалган хабарлардан сўнг, Ветеринария ва чорвачиликни ривожлантириш қўмитаси ишчи гуруҳи томонидан ўрганишлар олиб борилди.
Тергов жараёнида аниқланган фактлар
Текширув давомида Каттақўрғон тумани Янгиқўрғонча маҳалласи ҳудудидан оқиб ўтувчи “Қириш” каналига эшак суяклари ташлаб кетилгани маълум бўлди. Бу эса ушбу ноқонуний фаолиятнинг анча вақтдан бери давом этиб келаётганини кўрсатди.
Шунингдек, Алижон маҳалласи, Наврўз кўчасида яшовчи Х.К. ва Х.Н. хонадони текширилганида 250 кг эшак гўшти ва сўйиш учун тайёрлаб қўйилган 4 та эшак топилди.
Ҳолат юзасидан суриштирув ишлари олиб борилмоқда
Ҳозирги пайтда мазкур ҳолат юзасидан терговга қадар суриштирув ишлари олиб борилаётгани маълум қилинди. Ҳуқуқ-тартибот органлари томонидан шахсларнинг ноқонуний фаолияти аниқланиб, уларга нисбатан белгиланган тартибда ҳуқуқий чоралар кўрилиши мумкин.
Мазкур ҳодиса жамоатчилик ўртасида жиддий муҳокамаларга сабаб бўлди. Ижтимоий тармоқ фойдаланувчилари ноқонуний тарзда ҳайвон сўйиш ва унинг гўштини сотиш аҳоли саломатлигига жиддий хавф туғдириши ҳақида огоҳлантиришмоқда.
Мутасадди ташкилотлар аҳолини бундай ҳолатларга дуч келган тақдирда тегишли идораларга хабар беришга чақирмоқда. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
