Фото: Видеодан кадр
Instagram’да “Гелик” автомобилининг ойналари синдириб кетилгани ҳақида эр-хотин видеоси тарқалди. Унда аёл “Гелик” русумли автомобили ойналарини кимдир синдириб кетгани, бу учун ички ишлар органларига мурожаат қилишини айтиб йиғлаган. Уни турмуш ўртоғи тасвирга олган.
Шундан кейин эр-хотиннинг узр сўраб чиққан 2-видеоси тарқалади. Видеога кўра, улардан ички ишлар органлари узр сўраттиришган. Жуфтлик олдинги видео ҳазил тариқасида олингани, бундан афсусда эканини айтган.
“Учтепа туманида яшаймиз. 2 кун олдин машинамизнинг олд ойнаси синганди. Бу киши (турмуш ўртоғи) алмаштираман деганлари учун қариндошларимизга пранк қилайлик деган мақсадда олд ойнасини ўзимиз синдирдик ва уни видео қилиб, мен Instagram’имга қўйдим. Бу нотўғри маънода ҳамма жойга тарқалди. Бунинг учун ички ишлар ходимларидан ва буни нотўғри тушунган инсонлардан узр сўраймиз. Биз буни ўзимиз учун қилмоқчи эдик, бу қонуний эмас экан”, – деган аёл.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
