Тошкентда ижара бозорида пасайиш қайд этилди: 1–3 хонали уйлар арзонлашди

Макроиқтисодий ва ҳудудий тадқиқотлар институти маълумотларига кўра, 2025 йилнинг январ–март ойларида Тошкентдаги уй-жой ижара нархлари ўтган йилнинг шу даврига нисбатан пасайган. Хусусан, 1, 2 ва 3 хонали хонадонлар учун ўртача ижара ҳақлари сезиларли равишда тушган бўлса, 4 хонали уйлар ижараси баъзи туманларда люкс тоифадаги уйлар ҳисобига бироз қимматлашган.

Ўртача таъмирланган уйлар бўйича ўртача ижара нархлари (март 2025)
- 1 хонали — $296 (▼ -16,6%)
- 2 хонали — $379 (▼ -4,6%)
- 3 хонали — $454 (▼ -2,9%)
- 4 хонали — $521 (▼ -4,7%)

- Энг арзон туманлар: Сергели, Олмазор
- Энг қиммат туманлар: Шайхонтоҳур, Яккасарой

Тўлиқ таъмирланган уйлар бўйича ўртача ижара нархлари (март 2025)
- 1 хонали — $411 (▼ -13,1%)
- 2 хонали — $547 (▼ -15,0%)
- 3 хонали — $728 (▼ -8,5%)
- 4 хонали — $957 (▲ +3,1%)

- Энг арзон туманлар: Сергели, Учтепа
- Энг қиммат туманлар: Миробод, Шайхонтоҳур

Ижара бозоридаги ушбу ўзгаришлар аҳоли учун қулай имкониятлар яратаётган бўлса-да, 4 хонали уйларни ижарага олишда люкс тоифаси таъсирида нарх кўтарилиши кузатилмоқда.

Тошкент шаҳар Тошкент ижара бозори Уй ижараси 2025 Макроиқтисодий таҳлил Сергели тумани Шайхонтоҳур тумани Янгиликлар