Озода Нурсаидова Сабрина Жабборовага уй совға қилди – саҳнада эҳтиросли лаҳза!

Концерт саҳнасида юракларга илҳом ва кўзларга ёш улашган эҳтиросли лаҳза рўй берди. Ўзбек эстрадасининг ёрқин юлдузи Озода Нурсаидова ўз концерти давомида актриса Сабрина Жабборовага 1 хонали уй совға қилганини жонли равишда эълон қилди. Ушбу воқеа саҳнада жамланган юзлаб мухлисларни ҳайрат ва ҳаяжонга солди.

Озода Нурсаидовадан ҳаётни ўзгартирувчи совға

Концертнинг энг таъсирли қисмларидан бири Сабрина Жабборова саҳнага таклиф қилинган пайтда рўй берди. Автоҳалокатдан кейин ҳаётида катта синовлардан ўтган Сабрина ўзи севган саҳнага қайта чиққанидан мамнун эканини билдирди ва уни қўллаб-қувватлаган барча дўстларига миннатдорлик изҳор этди. Бир неча дақиқалик суҳбатдан сўнг Озода Нурсаидова ўзининг хайриясовға лаҳзасини эълон қилди:

“Барча кўнгилсизликлар ортда қолгани рост бўлсин. Шу қизга ҳам бахт тиланглар. Яхши куёвлар насиб қилсин. Сабринага 1 хонали уй сюрприз бўлсин!”

Сабринанинг кўзлари гавҳардай ялтиради...

Бу гапларни эшитган Сабрина Жабборова ўзини тўлиқ тута олмади — нима дейишни билмасдан, ҳаяжон ва миннатдорлик орасида сўзсиз туриб қолди. Унга атрофдагилар кучли алқиш ва муҳаббат билан далда бўлишди. Шу куни нафақат актрисанинг, балки саҳнадаги ва томошабинлар орасидаги кўплаб инсонларнинг кўзлари тўлди.

Маданий саҳнадаги инсоний алоқалар

Бу воқеа Озода Нурсаидованинг нафақат ижодий, балки инсонпарварлик қиёфасини яна бир бор намоён этди. Концерт том маънода санъат ва инсонпарварлик уйғунлашган саҳнага айланди. Бу каби лаҳзалар мухлислар хотирасида узоқ сақланиши шубҳасиз.

Zamin.uz таҳририятидан:
Санъатда ҳам, ҳаётда ҳам бундай одамийлик фазилатлари энг катта қадрият саналади. Озода Нурсаидованинг хайрияси юраклардан жой олди. Сиз бу ҳақда қандай фикрдасиз? «Замин»ни Telegram’да ўқинг!