Россия Федерацияси президенти Владимир Путин махсус фармонга имзо чекиб, Ўзбекистондаги элчи лавозимига янги номзодни тасдиқлади.
Унга кўра, энди мамлакатимизда Россия манфаатларини Алексей Ерхов намоён этади. У бунга қадар Россиянинг Туркиядаги дипломатик ваколатхонасига раҳбарлик қилиб келган ва ўша ерда ўзини тажрибали дипломат сифатида кўрсатган.
Маълумот учун, 2021 йилдан буён элчи вазифасини бажариб келган Олег Малгинов яқинда ўз фаолиятини якунлади. У Ўзбекистонга тайинланишидан олдин Россия Ташқи ишлар вазирлигининг хориждаги ватандошлар билан алоқалар бўлимига бошчилик қилган.
Энди Алексей Ерховнинг асосий вазифаси икки давлат ўртасидаги ҳамкорликни янада мустаҳкамлаш, сиёсий, иқтисодий ва маданий муносабатларни янги босқичга олиб чиқишдан иборат бўлади. Москва ва Тошкент ўртасидаги стратегик шерикликка алоҳида аҳамият қаратилаётган бир пайтда, янги элчининг иш фаолияти ҳам кенг жамоатчилик томонидан диққат билан кузатилиши табиий.
Россиянинг Ўзбекистондаги янги элчиси тайинлангани икки томонлама алоқаларда янги саҳифа очиши мумкин, деган фикрлар билдирилмоқда.
«Замин»ни Telegram’да ўқинг!
