Тошкентда уй-жойларни чет элликларга, хусусан, Хитой фуқароларига ижарага бериш масаласи қизғин муҳокама қилинмоқда. Уй эгаларининг кўпчилиги ушбу жараёндаги қарама-қарши тажрибалари билан ўртоқлашиб, турли миллат вакилларининг яшаш маданиятидаги ўзига хосликларга урғу бермоқда.
Бу ҳақда Ўзбекистонда истеъмол товарлари ва маҳсулотлари харидорларининг норасмий ҳамжамиятида маълум қилинган. Ўнлаб ижара берувчиларнинг айтишича, асосий муаммо – бу овқат тайёрлаш услубидаги ўзига хосликдир.
Маҳаллий аҳоли учун ноодатий ва кучли ҳидга эга бўлган кўплаб ёғ ва миллий зираворлардан фойдаланиб, маҳсулотларни қиздириш, квартирада барқарор ва йўқ қилиш қийин бўлган ҳиднинг пайдо бўлишига олиб келмоқда. Маълум қилинишича, ҳатто пухта тозалаш ишлари ҳам мазкур ҳидни бутунлай бартараф эта олмайди.
Айрим уй эгалари бундай ижарачилар кўчиб кетганидан сўнг, квартирани маҳаллий ижарачиларга қайта ижарага бериш қийин бўлгани сабабли, косметик таъмирлаш ишларини такроран амалга оширишга мажбур бўлгани айтилмоқда. Бундан ташқари, махсус ҳиддан қўшнилар ҳам шикоят қилиб, қўшимча турмуш муаммоларини келтириб чиқармоқда.
Шу билан бирга, Беларусь, Украина ва Россиядан келган ижарачилар ҳақида ижобий фикрлар билдирилган. Улар тозаликни сақлаш, тартиб-интизом ва молиявий масъулият борасида ижобий баҳоланган.
Шу билан бирга, ушбу ижарачилар одатда уй-жой ва яшаш шароитларига юқори талабчанликни намоён этиши қайд этилган. Шубҳасиз, индивидуал тозалик миллий мансубликка боғлиқ эмас.
Аммо ижара берувчиларнинг умумий тажрибаси шуни кўрсатадики, турмуш маданиятидаги айрим миллий хусусиятлар, хусусан, овқатланиш маданиятидаги фарқлар, ҳақиқатан ҳам мол-мулкнинг ҳолатига сезиларли таъсир кўрсатади.
