Фарғонада талабанинг раҳбарлик қилган хусусий фирмасига тегишли 44 млн 630 минг сўм миқдоридаги пул маблағлари Мажбурий ижро бюроси томонидан тўлиқ ундириб берилди.
Фарғона давлат университетининг Иқтисодиёт факультети талабаси фирма раҳбари сифатида фуқаро Сардорбек Муллажоновга фирма айланмаси доирасида умумий қиймати 44 млн 630 минг сўм бўлган пулни нақд қилиб олиш учун унинг пластик картасига ўтказиб берган.
Бироқ фуқаро Сардорбек ўз вақтида мажбуриятни бажармаган. Унинг банк ҳисоб рақамлари ва пул айланмаси билан боғлиқ хавфсизлик муаммолари туфайли маблағ нақд кўринишда фирма раҳбарига қайтарилмасдан қолган.
Юзага келган ҳолат юзасидан талаба-раҳбар судга мурожаат қилди. Суд томонидан чиқарилган ижро ҳужжати Мажбурий ижро бюросига юборилди ва иш юзасидан ижро ҳаракатлари бошланди.
МИБ томонидан кўрилган чоралар натижасида қарздор Сардорбекдан қарз миқдори тўлиқ ундирилиб, унинг “Yasin World Trade” МЧЖ раҳбари сифатида ундирувчи томонга нақд тарзда топширилди.
“Zamin”ни Telegram'да ўқинг!
