“Миллий тикланиш” партияси етакчиси Алишер Қодиров Хабаровскда Ўзбекистон фуқароси ўлими билан боғлиқ воқеага муносабат билдирди. Ижтимоий тармоқларда 2025 йил 12 декабрь куни Россиянинг Хабаровск шаҳрида Ўзбекистон фуқароси ОМОН ходимлари томонидан аёвсиз калтакланиб, вафот этгани ҳақида хабарлар тарқалган. Бу ҳақда upl.uz хабар беради.
Шундан сўнг Ўзбекистон Ташқи ишлар вазирлиги Россия ТИВга расмий нота юборди. Ўзбекистон томони ҳолатни батафсил ўрганиш, барча тафсилотларни аниқлаш ва айбдорларни қонун доирасида жазолашни талаб қилмоқда.
Алишер Қодиров ҳам вазият юзасидан фикр билдириб, Ўзбекистон фуқароларига Россияни тарк этишни тавсия қилди. У ўз телеграм-каналида вазият ой сайин кескинлашиши мумкинлигини, Россия махсус хизматлари Марказий Осиёдан борганлар эҳтимолий тартибсизликларда гумон қилинаётганини таъкидлаган.
“Ақлни ишга солинг, имкони қадар тезроқ Россиядан кетинг. Ҳеч қандай даромад болалар ва ота-оналар кўз ёши арзимайди”, — деган Қодиров.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
