Тошкент шаҳрининг Яшнобод туманида йўл транспорт ҳодисаси қайд этилди. 5 март куни соат 19:10 ларда Шаҳрисабз кўчасида Captiva русумли автомобиль ҳайдовчиси пиёдалар ўтиш жойидан ҳаракатланиб ўтаётган фуқарони уриб юборган.
Ҳодиса юзасидан Тошкент шаҳар Ички ишлар бош бошқармаси ЙҲХБ маълумот берди. Унга кўра, жабрланган пиёда шифохонага мурожаат қилмаган ва ҳозиргача соғлиғи юзасидан ҳеч қандай хабар келиб тушмаган. Айни дамда мазкур ҳолат юзасидан қонуний расмийлаштириш ишлари олиб борилмоқда ва суриштирув ҳаракатлари давом этмоқда.
Ҳуқуқни муҳофаза қилувчи органлар барча йўл ҳаракати қатнашчиларини қоидаларга қатъий риоя қилишга чақирмоқда. Айниқса, пиёдалар ўтиш жойларида тезликни камайтириш ва эҳтиёткор бўлиш ҳайдовчилар учун муҳим вазифа ҳисобланади.
Сўнгги вақтларда республика бўйлаб йўл транспорт ҳодисалари кўпайиб бормоқда. Хусусан, Самарқандда Onix автомобили пиёдани уриб юбориши оқибатида ўлим ҳолати қайд этилганди. Шунингдек, Тошкентда курьернинг юк машинаси остида қолиб ҳалок бўлиши ва Самарқанддаги велосипедчи билан боғлиқ мудҳиш воқеалар жамоатчиликни ҳушёрликка чорламоқда.
“Zamin”ни Telegram'да ўқинг!
