Сурхондарё вилояти Бойсун туманида ҳаёт учун хавфли ҳолат юз берди: бир фуқаро адирликқа чиқиб, эҳтиётсизлиги туфайли тахминан 25–30 метр пастликка тушиб кетди. Бу ҳақда Фавқулодда вазиятлар вазирлиги (ФВВ) матбуот хизмати хабар берди.
Маълум қилинишича, 21 март куни соат 10:00 атрофида Бойсун туманида яшовчи фуқаро яшаш уйидан бир неча метр узоқликдаги адирликка томоша қилиш мақсадида чиқиб, ногаҳон сирпаниб тушиб кетган. Ҳодиса жойига тезкор равишда ФВВ қутқарувчилари етиб борди.
Қутқарувчилар фавқулодда ҳаракатлар билан фуқарони жарликдан чиқариб, унинг ҳаётини сақлаб қолди. Тез ёрдам гуруҳига топширилганидан сўнг, унинг аҳволи барқарор экани маълум қилинди. Ҳодисадан сўнг тиббиёт ходимлари фуқаронинг саломатлигини текшириб, унинг ҳолатини қониқарли деб баҳолашди.
Мутахассислар эса, бундай ҳолатларда эҳтиётсизликни камайтириш ва хавфсизлик қоидаларига қатъий риоя қилиш муҳимлигини таъкидлашмоқда.
“Zamin”ни Telegram'да ўқинг!
