2026 йилдан газ баллон олиш тизими енгиллаштирилди

16:03 / 19.04.2026·422·Жамият

Қисқача

2026 йил 1-июндан бошлаб Ўзбекистонда жисмоний шахсларга маиший газ баллонларини бериш тартиби ўзгаради. Эндиликда бу хизмат фақат Давлат хизматлари марказлари ёки Ягона интерактив давлат хизматлари портали орқали амалга оширилади. Янги тизим аҳолига қулайлик яратиш ва давлат хизматларини рақамлаштиришга қаратилган бўлиб, аризалар "E-gaz" тизими орқали қабул қилинади. Текширув натижаси ижобий бўлса, 12 иш куни ичида бир дона газ баллони бепул етказиб берилади.

2026 йил 1 июндан бошлаб Ўзбекистонда жисмоний шахсларга маиший газ баллонларини тақдим этиш тартиби ўзгартирилади. Эндиликда ушбу хизмат фақат Давлат хизматлари марказлари ёки Ягона интерактив давлат хизматлари портали орқали амалга оширилади. Бу ҳақда ҳукумат қарорида белгиланган.

Янги тартиб аҳолига қулайлик яратиш ва давлат хизматларини рақамлаштириш жараёнини кенгайтиришга қаратилган.

Маиший газ баллонлари асосан табиий газ тармоғига уланмаган ҳудудларда яшовчи фуқароларга ажратилади. Ариза бериш “E-gaz” тизими орқали амалга оширилади.

Текширув натижаси ижобий бўлса, 12 иш куни ичида 1 дона газ баллони бепул етказиб берилиши кўзда тутилган.

“Ҳудудгазтаъминот” АЖ маълумотига кўра, янги тизимни электрон платформалар билан интеграция қилиш ишлари давом этмоқда. Ҳозирда мамлакатда миллионлаб истеъмолчилар табиий ва суюлтирилган газ билан таъминланмоқда.

Zamin.uz сайтини Google'га қўшинг "Zamin"ни Telegram'да ўқинг!