Ижтимоий тармоқларда Чорсу бозорида ёнғин содир бўлгани ҳақида хабарлар тарқалди. Фавқулодда вазиятлар вазирлиги мазкур ҳолат юзасидан расмий изоҳ берди.
Маълум қилинишича, 29 май куни Тошкент шаҳри Шайхонтоҳур тумани Сақичмон кўчасидаги савдо бозорида тутун чиққани ҳақида ФВББга хабар келиб тушган. Қутқарув бўлинмалари зудлик билан воқеа жойига етиб борган.
Ўрганишлар давомида дўконлар ертўласида электр кабели эриши натижасида тутун ҳосил бўлгани аниқланган. ФВВ маълумотига кўра, ёнғин содир бўлмаган.
Ҳодиса оқибатида жабрланганлар йўқ. Айни вақтда ҳолатнинг келиб чиқиш сабаблари ва етказилган зарар миқдори ўрганилмоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
