Қорасув-2 даҳасида 5 та кўп қаватли уй газсиз қолди
Тошкент шаҳрининг Мирзо Улуғбек туманидаги Қорасув-2 даҳасида ер устида жойлашган паст босимли газ қувури устига дарахт қулаб тушиши натижасида қувур шикастланди. Хавфсизлик чоралари доирасида юзага келган ҳолат сабабли ушбу ҳудуддаги 5 та кўп қаватли турар жойнинг газ таъминоти вақтинча тўхтатилди. Айни пайтда мутасаддилар томонидан авария ҳолатини бартараф етиш ишлари жадал олиб борилмоқда.
Тошкент шаҳрининг Мирзо Улуғбек туманидаги «Ш. Бурхонов» маҳалласи, Қорасув-2 даҳасида газ қувурига зарар етди.
Маълум қилинишича, ер устида жойлашган паст босимли газ қувури устига дарахт қулаб тушган.
Оқибатда газ қувури шикастланган ва хавфсизлик чоралари доирасида газ таъминоти вақтинча тўхтатилган.
Ҳодиса сабаб Қорасув-2 даҳасидаги 5 та кўп қаватли турар жой газ таъминотидан узилган.
Айни пайтда авария ҳолатини бартараф этиш ишлари олиб борилмоқда.
Мутасаддиларнинг билдиришича, таъмирлаш ишлари якунланганидан сўнг истеъмолчилар олдиндан огоҳлантирилган ҳолда газ таъминоти қайта тикланади.
«Ҳудудгаз Пойтахт» газ таъминоти филиали юзага келган ноқулайликлар учун аҳолидан узр сўради.
Изоҳлар 0
…