Андижонда 32 ёшли аёл беш нафар чақалоқни дунёга келтирди

Андижон шаҳрида 32 ёшли аёл беш нафар фарзандни дунёга келтирди. Туғруқ ҳомиладорликнинг 31 ҳафта 5 кунлик муддатида амалга ошган.

Туғилган чақалоқларнинг уч нафари қиз, икки нафари ўғил бўлган. Энг оғир чақалоқ 1605 грамм, энг кичиги эса 1205 грамм вазнда туғилган.

Болаларнинг вазни:

• 1450 граммли қиз

• 1605 граммли ўғил

• 1495 граммли қиз

• 1585 граммли ўғил

• 1205 граммли қиз

Она ва беш нафар чақалоққа тиббиёт ходимлари томонидан зарур муолажалар кўрсатилмоқда. Улар шифокорлар кузатувида қолмоқда.