Тошкент вилоятида барча боғчалар вақтинча ёпилди

Тошкент вилоятидаги барча давлат, хусусий ва идораларга қарашли мактабгача таълим ташкилотлари фаолияти вақтинча тўхтатилди. Қарор 2026 йил 16 июльдан кучга кирди.

Бу масала Тошкент вилояти ҳокими раҳбарлигида ўтказилган йиғилишда кўриб чиқилган. Йиғилиш якунида барча туман ва шаҳар ҳокимликларига тегишли топшириқлар берилган.

Маълумотга кўра, боғчалар фаолияти об-ҳаво меъёрий ҳолатга келганидан кейин қайта тикланади. Бунинг учун вилоят ҳокимлигининг қўшимча қарори қабул қилинади.

Ҳозирча чеклов қанча давом этиши аниқ айтилмаган. Ота-оналардан ҳудудий масъуллар ва боғча маъмуриятлари бериб борадиган маълумотларни кузатиб бориш сўралмоқда.