Тошкентдаги Чўпонота кўчаси қайта таъмирланди (Фото)

Бугун Тошкент шаҳрида замонавий бинолар қурилиши билан бирга аҳоли узоғини яқин қилувчи автомобиль йўллари қайта таъмирланмоқда. Шаҳар аҳолисининг мурожаатлари натижаси ўлароқ, аянчли аҳволда ётган Чўпонота кўчаси ҳам қайта таъмирланди, деб ёзмоқда Qalampir.uz сайти.

“2017 йилда Тошкент шаҳри туманларининг йўл инфратузилмасини ривожлантиришнинг манзилли дастури” асосида жорий ва тўла таъмирлаш ишлари амалга оширилиб, автомобиль қатнови қисмига маҳсус йўл қопламаси ётқизилди.

Ўзбекистон Республикаси Автомобиль йўллар давлат қўмитаси сайтининг хабар беришича, кўча Автомобиль йўллари давлат қўмитаси тизимидаги “Трансйўлқурилиш” унитар корхонаси томонидан амалга оширилган.