Аҳоли турмуш шароити яхшилангани сайин унинг эҳтиёжлари ҳам орта боради. Масалан, технология воситалари қанчалик тараққий этса, электр энергиясиз уларнинг хизматидан фойдаланишни тасаввур этиш қийин. Худди шундай автомобилларнинг ҳаракатланиши учун ҳам ёқилғи талаб этилади ва бунингсиз сира иложи йўқ.
Одамларда автомобиллар кўпаяётгани рост. Буни кўчаларни тўлдириб юрган машиналар оқими ҳам тасдиқлайди. Аммо автомобилларга ёқилғи қўйиш шохобчаларидаги турнақатор навбатлар, тартибсизликлар эса киши кўнглини хира қилади. Бензин қуйиш учун навбатда турган ҳайдовчилар асабийлашишади, қичқиришади, хуллас, бир амаллаб ўз машиналарига ёқилғи қуйишади. Ёқилғини қиммат баҳога сотиб, чайқовчилик қилаётганларнинг эса парвои фалак, уларнинг бу ҳолат билан заррача иши йўқ. Буни Кун.uz таҳририятининг ижодий жамоаси Қашқадарё вилоятига қилган сафари давомида гувоҳи бўлди.
Қарши шаҳрида жойлашган АЁҚШга кириб борарканмиз, бу ердаги навбат бизни ҳайрон қолдирди. Ўша ерда турганларни суҳбатга тортмоқчи бўлдик, аммо улар видеокамерадан ўзларини олиб қочишди. Айримлари писанда қилиб, турли луқмалар ташлай бошлашди. Кейин билсак, улар ёқилғи сотувчи чайқовчилар экан. Ҳайдовчилар билан гаплашар эканмиз, ҳақиқатан ҳам Қарши шаҳрида ёқилғи муаммоси жуда ёмон эканлиги, соатлаб навбатга туриш кераклиги ҳақида гапириб қолишди.
- Илгари бундай эмас эди, - деди навбатда турган ҳайдовчилардан бири. – Сўнгги ойларда бизнинг вилоятда автомобиллар ёқилғиси жуда тортилган. Мана шундай тартибсиз навбатлар, асабийлашишлар ҳар кун бўлади. Ёқилғини кўчадан сотиб олай десангиз, 4000-5000 сўм атрофида бир литрини сотиб оласиз. Арзонроққа сотиб олиш учун АЁҚШга келсангиз, ишдан қолиб соатлаб навбатга туришингиз керак бўлади.
Вазиятга ойдинлик киритиш мақсадида мазкур АЁҚШ раҳбарияти билан боғланиб кўришга ҳаракат қилдик, аммо ниятимиз амалга ошмади. Улар биз билан суҳбатлашишни ва зарур маълумотлар беришни исташмади.
Шу ўринда таъкидлаш керакки, бу каби муаммо нафақат Қашқадарё вилоятида, балки республикамизнинг барча вилоятлари, жумладан, пойтахтда ҳам мавжуд. Хўш, бу муаммони бартараф этиш учун қандай чоралар кўрилмоқда? Мазкур савол билан “Ўзнефтмаҳсулот” АЖ нефть маҳсулотлари сифатини назорат қилиш, метерологик таъминот ва сертификатлаштириш бўлими бошлиғи Рустам Абдуқодировга юзландик.
“Очиқ айтиш керак Республикамизнинг турли ҳудудларида ёқилғи танқислиги билан боғлиқ ҳолатлар учраб турибди. Бунинг асосий сабабларидан бири мамлакатдаги нефтни қайта ишловчи иккита завод маҳсулотлари пойтахт учун ажратилган эди. Чунки имтиҳонлар сабаб 1 август куни Тошкент шаҳрида четдан 3 млн.га яқин аҳоли кириб келди. Вилоятдан келган машиналар бензинни олишлари сабаб танқислик рўй берди. Мана шу ҳолатларнинг олдини олиш учун завод маҳсулотларининг катта ҳажмини Тошкентда қолдирдик, шу сабаб республиканинг бошқа ҳудудларида ёқилғи маҳсулотларида тортилиш ҳолатлари кузатилди.
Бу муаммони ҳал этиш учун заводларга махсус кўрсатма ва топшириқлар берилган. Энди улар ўз маҳсулотларини ҳудудларга тенг миқдорда етказиб беришади. Бундан ташқари, хусусий АЁҚШлар томонидан турли хил “ўйин”ларнинг олдини олиш, ёқилғи сотишда чайқовчиликнинг олдини олиш бўйича махсус штаблар тузилиб, улар жойларда бу каби ҳолатларни назорат қилиб боришади. Бунга ички ишлар органлари ходимлари ҳам жалб этилган”.
Рустам Абдуқодировнинг маълум қилишича, Тошкент шаҳридаги АЁҚШлардан бирида рейд ўтказилган. Олиб борилган тезкор тадбирда давлат рақами Самарқанд вилоятига тегишли бўлган юк машинасида қўл бола идишлар тайёрланиб, унга ёқилғи қўйилаётгани маълум бўлган. Бу эса вилоятларда ёқилғи нархининг сунъий равишда ошишига сабабчи бўлаётган, ёқилғи танқислигини вужудга келтираётган сабаблардан бири холос.
Ҳар нарсанинг меъёри яхши. Айрим шахсларнинг очкўзлигими, беписандлигими ёки шу Ватанга дахлдорлик ҳисси йўқлигиданми, мана шундай кўнгилсизликлар келиб чиқаверади. Ўйлаймизки, махсус тузилган штаблар ўз ишини сидқидилдан олиб боришади ва Ўзбекистоннинг барча ҳудудларида ёқилғи танқислиги муаммосига барҳам берилади.
Манба: Kun.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россиялик депутат: «Олий маълумотлиларнинг курерлик қилиши — ватанпарварликка зид»
АҚШ ҳарбийлари орасида ўз жонига қасд қилиш кўпайди
Apple донгдор икки айфонини расман эскирган деб эълон қилди
Пашинян Арманистоннинг Мустақиллик декларацияни энг катта муаммо ва фожиа деб атади
Яхши пишган ва мазали анор танлашга ёрдам берадиган тавсиялар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
Жо Байден: “Баъзан хотиним мени космосга жўнатиш билан таҳдид қилади”
Кремль Украина бўйича музокарада шартлар қўйишга уринмоқда
