Ўзбекистон Республикаси Президенти Шавкат Мирзиёев бугун, 28 август куни “Шарқ тароналари” — XI Халқаро мусиқа фестивалининг очилиш маросимида иштирок этди ва тантанали нутқ сўзлади.
Президент Самарқанд шаҳрида ҳар икки йилда бир марта ўтказиладиган “Шарқ тароналари” халқаро мусиқа фестивалини бугунги кунда дунё таниганини, унда иштирок этаётган мамлакатлар сони ортаётганини таъкидлаб ўтди.
Шунингдек, Президент ушбу халқаро фестивалда юқори мартабали меҳмонлар ва дипломатик корпус вакиллари иштирок этаётганини алоҳида тилга олди.
Мамлакатимиз раҳбари ўз нутқида дунёда можаролар кундан кунга ортиб бораётгани, шу шароитда тинчлик ва барқарорликни, давлатлараро маданий-маърифий ҳамкорликни таъминлашда фестивалнинг ўрни ўзгача аҳамият касб этишини эътироф этди.
Бундан ташқари, Шавкат Мирзиёев фестивалнинг ташаббускори — Ўзбекистон Республикасининг Биринчи Президенти Ислом Каримовнинг хизматлари улкан экани ҳақида сўзлади.
1997 йилда ўтказилган мазкур фестивалда дунёнинг 31 мамлакати иштирок этган эди. 2017 йилда 58 мамлакат вакилларининг “Шарқ тароналари” халқаро мусиқа фестивалида иштирок этаётгани — ушбу фестивал нуфузи ортганидан дарак беради, деди Президент.
Фестиваль, дунё халқларини бирлаштирувчи восита сифатида, турли маданият вакилларига ўзининг миллий куй ва қўшиқларини жаҳонга намоён этиш имконини беради. Хорижлик меҳмонлар ўзбек халқининг меҳмондўстлигини кўриши, Ўзбекистоннинг турли ҳудудлари, хусусан қишлоқларида ҳам бўлиш имконияти мавжудлиги айтиб ўтилди.
Мусиқа орқали дунёда тинчлик ва дўстлик ўрнатилишида ушбу фестивалнинг ўрни беқиёс эканлиги таъкидланди.
Шавкат Мирзиёев фестиваль ишига омад тилаб, иштирокчиларга ўз санъатини намойиш этишда куч-қувват тилаган ҳолда иштирокчиларни яқинлашиб келаётган Қурбон ҳайити айёми билан табриклади.
Манба: Qalampir.uz “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Яхши пишган ва мазали анор танлашга ёрдам берадиган тавсиялар
Эрдўғон Туркия Исроил билан алоқаларини узганини маълум қилди
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ ҳарбийлари орасида ўз жонига қасд қилиш кўпайди
Жо Байден: “Баъзан хотиним мени космосга жўнатиш билан таҳдид қилади”
Блинкен Исроилдан учта муаммони ҳал этишни талаб қилди
Ҳар қандай катта ёшдаги киши етук эмас
Пашинян Арманистоннинг Мустақиллик декларацияни энг катта муаммо ва фожиа деб атади
