Тошкентда милиция ходимлари ярим тунда Анҳорга тушиб кетган аёлни қутқарди

Тошкентда ички ишлар органининг икки ходими Анҳор каналига тушиб кетган 29 яшар аёлни қутқариб қолди. Бу ҳақда шаҳар «ИИББ матбуот хизмати»га таяниб «Дарё» хабар бермоқда.

Хабар беришларича, 26 октябрь куни соат 00:30 атрофида Анҳор каналининг Шайхонтоҳур тумани Шоҳодонтепа кўчасидан ўтган қисмида 1988 йилда туғилган аёл сувга тушиб кетган.

ИИББ матбуот хизматининг аниқлик киритишича, аёл «ўзининг эҳтиётсизлиги оқибатида, оёғи сирғаниб» сувга тушиб кетган.

Шундан сўнг, Тошкент шаҳар ИИББ ППХ бригадаси ходими ва Шайхонтоҳур тумани ИИБ профилактика инспекторининг тезкор ҳаракатлари натижасида аёл қутқарилган ва унга тез тиббий ёрдам кўрсатилган. «Замин»ни Telegram’да ўқинг!