10 529
Чақалоқнинг танасига игналарни ким тиққан эди? Бош прокуратура жиноят иши бўйича ахборот берди
Ўтган ҳафта ижтимоий тармоқларда танасидан игналар топилган гўдакнинг суратлари тарқалди. Азизбекнинг ҳаёти қил устида тургани маълум қилинди, боланинг аҳволи оғирлиги айтилди. Бундан нафақат унинг яқинлари, балки ижтимоий тармоқ фойдаланувчилари ҳам ташвишга тушди.
Мазкур воқеа юзасидан прокуратура органлари томонидан амалга оширилаётган ишлар ҳақида Ўзбекистон Республикаси Бош прокуратураси жамоатчилик билан алоқалар ва ҳуқуқий ахборот бўлими бошлиғи Гулноза Раҳимова қуйидагича ЎзАга ахборот берди.
“2018 йил 18 январь куни Фарғона вилояти Тошлоқ тумани ички ишлар бўлимига ички аъзоларида кўплаб игналар аниқланган бола ҳақида хабар келиб тушган. Маълум бўлишича, бола 2017 йил 11 февралда тавваллуд топган Азизбек Абдумажидов бўлиб, унинг оиласи туманнинг “Найман” маҳалла фуқаролар йиғинининг Истиқлол кўчасида истиқомат қилган.
Мазкур ҳолат юзасидан Тошлоқ тумани прокуратураси томонидан терговга қадар текширув ўтказилди. Аниқланишича, Азизбек Абдумажидов соғлиги ёмонлашгани сабабли 2018 йил 13 январда онаси Ш.Болтабоева томонидан туман тиббиёт бирлашмасига олиб келинган. Шу куни бирлашма томонидан Республика Шошилинч тиббий ёрдам кўрсатиш илмий маркази Фарғона вилоят филиалига юборилган. Тиббий текширувлар давомида унинг ички аъзоларида кўплаб игналар аниқланган. Шу сабабли бола 2018 йил 15 январда даволанишни давом эттириш учун Республика Шошилинч тиббий ёрдам кўрсатиш илмий марказига олиб келинган”, дейди Гулноза Раҳимова.
Хабарда айтилишича, жорий йилнинг 17 январь куни Республика Шошилинч тиббий ёрдам кўрсатиш илмий маркази жарроҳлик бўлимида чақалоқ операция қилинган. Азизбек Абдумажидовнинг қорин бўшлиғи ва бўйин соҳасидан жами 12 дона пўлат игна ва сим бўлаги чиқариб олинган. Ҳаёт учун хавфли бўлмаган жойда жойлашган яна 3 дона игнани олиш навбатдаги жарроҳлик амалиётига қолдирилган.
Содир бўлган ушбу ҳодиса бўйича ҳақиқатни аниқлаш ҳамда қонуний қарор қабул қилинишини таъминлаш мақсадида 2018 йил 24 январда Тошлоқ тумани прокуратураси томонидан жиноят иши қўзғатилган.
Азизбек Абдумажидовнинг танасига игналарнинг тушиши сабабларини аниқлаш мақсадида қатор экспертизалар тайинланган.
Ҳозирда тергов ҳаракатлари давом эттирилмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди