Лола Каримованинг қаердалиги аниқланди

  • 16 февраль 2018, 22:06
  • 6 369
  • Жамият
  • Лола Каримованинг қаердалиги аниқланди
    Аввалроқ, Ўзбекистон Республикасининг Биринчи Президенти Ислом Каримовнинг кенжа қизи, “Сен ёлғиз эмассан” Республика жамоатчилик болалар жамғармаси, Республика болалар ижтимоий мослашуви маркази раиси, Ислом Каримов номидаги Республика хайрия жамоат фонди васийлик кенгаши раиси, Ўзбекистон гимнастика федерацияси президенти Лола Каримова-Тилляеванинг хорижда қолаётганини ёзиб, унинг ижтимоий тармоқларга жойлаган суратига таянган ҳолда Францияда эканини тахмин қилган эдик.

    Бугун, 16 февраль куни Лола Каримова-Тилляеванинг қаердалигини аниқлаш имкони туғилди. Жамоатчи ижтимоий тармоқлардаги шахсий саҳифасига сурат жойлаштириб, айни дамда АҚШнинг Невада штати, Лас-вегас шаҳрида эканини маълум қилган.

    Сурат остига эса "Бугун дунё бўйлаб икки миллиардга яқин инсон Хитой ой тақвими бўйича Янги йилни нишонламоқда. Мен эса ушбу ниҳоятда гўзал кўчада сайл қилар эканман, барчага бахт-саодат, соғлик ва фаровонлик тилайман", дея изоҳ қолдирган.

    Эслатиб ўтамиз, Лола Каримова 2017 йилнинг октябрь ойида АҚШда яшаётганини маълум қилган эди.

    » » Лола Каримованинг қаердалиги аниқланди