10:58 / 29.03.2018
2 543

Қозоғистонликлар Ақтўбе фожиаси қурбонлари оилаларига 10 млн тенге йиғиб беришди

Қозоғистонликлар Ақтўбе фожиаси қурбонлари оилаларига 10 млн тенге йиғиб беришди
Қозоғистонлик тадбиркор Айдин Раҳимбоевга қарашли компания ходимлари Ақтўбе вилоятида автобус ёниб кетиши оқибатида ҳалок бўлганларнинг оилаларига 10 миллион тенге йиғиб тарқатишди. Бу ҳақда Sputnik хабар берди.

Хабарда айтилишича, хайрия тадбирида компаниянинг 1300 нафар ходимлари ва акционерлари иштирок этди.

"Кўпчиликнинг фарзанди етим қолди, оилалар бир онда ўз боқувчиларидан айрилдилар. Афсуски, пулларни оилаларга тарқатиш учун расман рухсатнома олишга бир ой вақт кетди. Лекин биз сабр билан кутдик ва ҳар бир оилага бориб қардош халқимизга ўз таъзиямизни билдирдик", — деб ёзади ижтимоий тармоқда Раҳимбоев.

Қурилиш компанияси раҳбарининг ёзишича, айрим оилалар бундан ҳайратга тушишган, айримлар эса пулни олишдан воз кечишган.

Эслатиб ўтамиз, 18 январ куни Қозоғистоннинг Ақтўбе вилоятида Самара — Чимкент трассасида ичида 57 киши бўлган автобус ёниб кетди. Ёнғин оқибатида 52 киши ҳалок бўлди, уларнинг барчаси Ўзбекистон фуқаролари эди. Беш киши – уч қозоғистонлик ва икки ўзбекистонлик фуқаро омон қолган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)