14:00 / 28.06.2018
4 252

Наманганда буғдой ўраётган комбайн ёниб кетди

Наманганда буғдой ўраётган комбайн ёниб кетди
Иллюстратив сурат/Фото: «Machines4u.com.au»
Кеча, 27 июнь куни Наманган вилоятининг Уйчи туманида «Уйчи Соҳибкор» агрофирмаси ҳудудидаги «Муҳаммадмусо Болтабоев» фермер хўжалиги ғалла майдонида ўрим ишларини олиб бораётган «CASE-2366» русумли ғалла ўриш комбайнида ёнғин содир бўлган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармасининг хабарига кўра, кўрилган чоралар натижасида ёнғин ўчирилган.

Ёнғин оқибатида комбайннинг мотор отсеки ва ҳайдовчи кабинаси қисман ёниб зарар кўрган. Жароҳат олганлар йўқ. Ёнғин келиб чиқиш сабаби ва келтирилган моддий зарар миқдори аниқланмоқда. Суриштирув ишлари олиб борилмоқда.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)