23:05 / 02.08.2018
4 395

«Самосуд». Қорақалпоғистонда ўғриликда гумон қилинган йигит қўлидан осиб қўйилди (видео)

«Самосуд». Қорақалпоғистонда ўғриликда гумон қилинган йигит қўлидан осиб қўйилди (видео)
Фото: «Facebook/Uzbekvideo»
Қорақалпоғистоннинг Беруний туманидаги Шаббоз бозорида ўғриликда гумон қилинган шахс қўлидан осиб қўйилгани акс этган видео ижтимоий тармоқларда тарқалди. Халқ депутатлари Учтепа туман кенгаши депутати Нуриддин Зайнитдинов бу ҳолатни «самосуд» дея баҳолади, деб хабар бермоқда «Дарё».

«Биз нечанчи асрда яшаётганимизни ўйлаб қоласан киши, 15 асрдами? Бу босар-тусарини билмай қолаган ‘самосуд’чи бозорчилар, бизнинг жамиятда қонун устуворлигини унутиб, ҳуқуқ-тартибот хизматлари ва суднинг ваколатларини наҳот ўз зиммаларига олган бўлсалар?

Бу бозорнинг бозоркоми, милицияси, туман прокурори, ҳокими борми?

Наҳот шунча иш бўлишига қарамай, бирор инсон миқ этмаган бўлса?!

Қабоҳат ва разолат тўла бундай инсонларга қўйиб берса, ўша йигитни ўша ерни ўзида дорга тортиб юборишдан ҳам тап тортишмайди.

Ким бўлишидан қатъи назар, бундай ҳолатга йўл қўйилиши мумкин эмас эди», дея дарғазаб бўлади депутат.

Нуриддин Зайнитдиновга кўра, одил судлов фақат суд томонидан амалга оширилиши шарт. Чунки судда айбланаётган шахсга ўзини ҳимоя қилиш учун барча шароитлар таъминлаб берилади.

«Фақат асосли ва одилона жазо тайинлаш орқалигина жамиятни жиноий хуружлардан самарали ҳимоя этиш, судланганларни тузатиш ва қайта тарбиялашга эришиш, судланганлар ҳамда бошқа шахслар томонидан янги жиноятлар содир этилишининг олдини олишни таъминлаш мумкин», дейди депутат.
[media=https://www.facebook.com/uzbvideo/videos/302285197173319/]

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » «Самосуд». Қорақалпоғистонда ўғриликда гумон қилинган йигит қўлидан осиб қўйилди (видео)