20:36 / 07.08.2018
4 508

Бухорода бинонинг қулаши инсонлар ўлимига сабаб бўлди (фото)

Бухорода бинонинг қулаши инсонлар ўлимига сабаб бўлди (фото)
Фото: facebook.com/Bukharainfo
Бухородаги икки қаватли бинонинг бир қисми қулаши оқибатида бир неча киши ҳалок бўлди, деб хабар бермоқда «Xabar.uz».

Воқеа 2 август куни эски тахта заводи ўрнидаги бозорда содир бўлган. Ўша куниёқ ижтимоий тармоқларда воқеа жойидан фотолар жойланганди. Бу бино ёнига қўйилган машиналарнинг мажақланиб ётган суратлари эди. Ҳодиса гувоҳларининг айтишича, уй қулаган вақтда машиналарнинг ичида одамлар бўлган.

Фото: facebook.com/Bukharainfo
Бухоро шаҳар ИИБнинг маълум қилишича, хусусий қурилиш ташкилоти томонидан олиб борилаётган қурилиш ишлари икки қаватли кўшни бинонинг қулашига сабаб бўлган.

«Ҳалокатдан икки кун аввал қурувчилар чуқурлиги 2,5 метр, ўлчами 17 метрга 15 метр бўлган котлован қазишни тугатишган эди. Айнан шу бинонинг қулашига сабаб бўлган. Ҳодиса оқибатида икки киши ҳалок бўлди. Улар бино олдида тўхтаб турган «Matiz» ва «Tico» автомобилларининг ичида бўлган», – деди Бухоро шаҳар ИИБ тергов бўлими бошлиғи Рустам Ашуров.

Ҳодиса юзасидан жиноят иши қўзғатилган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)