18:50 / 08.08.2018
12 101

Диққат! "Momo" номли хавфли ўйин оммалашмоқда, фарзандингизни ундан эҳтиёт қилинг!

Диққат! "Momo" номли хавфли ўйин оммалашмоқда, фарзандингизни ундан эҳтиёт қилинг!
Facebook ижтимоий тармоғининг The Mirror нашри хабарларига таянган ҳолда берган маълумотларига кўра , WhatsApp ижтимоий тармоғидаги фойдаланувчилар орасида “Momo” номидаги хавфли ўйин интернетда оммалашмоқда.

Ушбу ўйин “Кўк кит” ўйини каби хатарли бўлиб, ўйин сўнгида ўйнаётганлар ўзини ўлдириши керак бўлади. Бу ўйинга муккасидан кетганларнинг кўпчилигини ҳозирда ёшлар ташкил этмоқда.

Ўйин қоидаларига кўра, “Momo” номи остидаги абонент фойдаланувчининг алоқалар қайд рўйхатига тўсатдан боғланади ва тунда видео алоқага чиқа бошлайди. Кейин фойдаланувчига турли хил қўрқув ва ваҳима уйғотувчи расмлар жўнатади.

Шунингдек, тунда “Momo” абоненти ўзи жўнатган қўрқинчли фильмларни кўришга мажбурлайди. Фильм тугагач, “Momo” фойдаланувчига кўрган қўрқинчли фильмидаги ваҳший образ кўринишида видео алоқага чиқади.

Мунтазам юборилган қўрқинчли расмлар ва видео қўнғироқлар таъсирида, фойдаланувчи жисмонан ва руҳан ҳолсизланиб, тушкунликка тушиб қолади. Шундан сўнг ўз ҳаёти яқинлари учун арзимаслигини ҳис қила бошлайди ва ўз жонига қасд қилади.

Маълумот ўрнида, Россияда 2018 йилнинг июль ойига қадар “Momo” хатарли ўйини таъсирида 130 нафар ўсмир ўз жонига қасд қилган.

Аввалроқ, “Кўк кит” хавфли интернет ўйини орқали ҳам минглаб ёшлар ўз жонига қасд қилганлигини хабар қилган эди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (1)


Янгиликлар » Жамият » Диққат! "Momo" номли хавфли ўйин оммалашмоқда, фарзандингизни ундан эҳтиёт қилинг!