13:11 / 10.12.2018
2 683

Яшнабод туманидаги учта хонадонда ёнғин юз берди (видео)

Яшнабод туманидаги учта хонадонда ёнғин юз берди (видео)
9 декабрь куни Тошкент шаҳрининг Яшнабод туманидаги учта хонадон ёнғин юз берди, деб хабар берди пойтахт ИИББ.

Паҳлавон Маҳмуд кўчаси 2-берк кўчасида жойлашган умумий ҳовлининг 5, 6 ва 8-хонадонларида содир бўлган ёнғин ҳақидаги хабар “101” рақамига соат 12.56 да келиб тушган.

"Ёнғин хавфсизлиги ходимлари воқеа жойига бир неча дақиқаларда етиб боришди. Ёнғин юқорида қайд этилган уйларнинг том қисмида бошланиб, том қисмидан ташқари 5-хонадоннинг ички қисмига ҳам зарар етказди", - дейилган хабарда.

Электр ўтказувларидаги қисқа узилиш ёнғиннинг тахминий сабаби деб топилди. Ҳодиса сабабли ҳеч бир кимсага зарар етмади.

Воқеа гувоҳлари ижтимоий тармоқларда ёнғиндан видео жойлаштиришди.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Яшнабод туманидаги учта хонадонда ёнғин юз берди (видео)