«Pantone» институти 2019 йилнинг рангини танлади. Бу — «тирик коралл».
Институт вице-президенти Лаури Прессманн йил рангини «ҳиссиётлар учун озуқа» сифатида тавсифлаган. Институт томонидан қайд этилишича, тирик коралл кўтаринкилик рамзи ҳисобланади.
Аммо шунга қарамасдан, тирик коралл билан бирга қуйидаги рангларни ҳам мослаштириб кийишингиз мумкин.
ҚОРА
Янги мавсумда қора ранг учун «Ортиқча ҳеч нарса» тамойили мос келмайди. Монохромлик, деталларнинг кўплиги ва безакларга қарамасдан бу рангнинг куз-қиш мавсумининг энг ёрқин трендлари рейтингида юқори қаторга чиқишига тўсқинлик қилмайди. Чиндан ҳам рангларнинг йўқлиги баъзан ҳар қандай рангдан афзалроқ.
КУЛРАНГ
Ёмғир ва булутли осмон ранги ҳам «total-look» позициясида, ҳам бошқа ранглар учун тўғри асос сифатида аъло ечим саналади. Кулрангнинг барча туслари костюм ва пальтоларда, Aкўйлак ҳамда бежирим кардиганлар, худди шулар каби трикотаж, шойи, чарм ва мўйна билан ҳам жуда мос тушади.
ХАНТАЛ
Бу мавсумда хантал ранги (сариқ) турли даражалардаги гардеробларга кириб бормоқда. Қўрқмасдан бошдан-оёқ хантал рангига бурканинг ёки турли ёрқин даражасидаги кийимлар билан уни синаб кўринг. Янги йил ҳақиқатан ҳам рангларга бой бўлади.
ҚИЗИЛ
Ранглар институтининг талқини бўйича «Pantone Cherry Tomato» — йилнинг энг урфдаги рангларидан бири бўлиши кутилмоқда. Қизил ранг билан мос келадиган вариантлар сони бениҳоя кўп, бироқ ортиқча ёруғлик пафосини аниқ шакллар ва тушунарли сийратлар билан мўътадиллаштирган маъқул.
КАТАК
«Тартан тренди» — бугунги кун учун янгилик эмас. Деярли ҳар мавсумда катаклар у ёки бу кўринишда бошқарувни қўлга олади. «Black Watch», «Tattersall», «Window pane» ҳамда «Argayl», «Glenchek»: асосий қоида эса катакларнинг ҳар хил турлари — майда-майда катаклардан то йирик ва ёрқинларини дид билан уйғунлаштира олишдир. Турлар кўп, танлов эса ўзингиздан.
ЯШИЛ
Яшил рангнинг сеҳрли хусусиятлари куз-қиш мавсуми гардеробига янги ҳаётни олиб кирадиганга ўхшайди. Зумрад, тропик япроқ ва ҳатто дарахтлар баргларининг туслари ҳаддан ташқари ҳаракатчан, замонавий дунё босимидан руҳимизни холи этади ва тетиклаштиради. Нима бўлмасин, яшил ранг сўнгги энг муҳим мода тўпламларининг асосий рангларидан бири бўлади.
АКСЕССУАРЛАР
Чиройли аксессуарлар — аёл гўзаллигининг ажралмас қисми. Айниқса, у тўғри танланган бўлса, нур устига нур.
2019 йилнинг энг ёрқин аксессуарлари французча услубдаги беретлар (юмшоқ юмалоқ шляпалар), юмалоқ бежирим сумкачалар, катта ҳажмдаги заргарлик буюмлари ва албатта, дурлардан ясалган бежирим зираклар бўлади.
Манба: Hordiq.uz «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Германияда мактаб ўқувчилари оммавий равишда ислом динини қабул қилмоқда
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
Зоир Мирзаев “Телефонсиз мактаб”га 300 млн сўм мукофот берди
АҚШнинг Ғазодаги сиёсатидан норози Давлат департаменти расмийси истеъфога чиқди
Америкалик олимлар барча учун бирдек фойдали жисмоний фаоллик турини аниқлади