Фоҳишаликка юборилаётган аёллар Тошкент аэропортида тўхтатиб қолинди

  • 02 февраль 2019, 16:30
  • 3 254
  • Жамият
  • Фоҳишаликка юборилаётган аёллар Тошкент аэропортида тўхтатиб қолинди
    Шу йилнинг 30 январь куни Ўзбекистон Республикаси Ички ишлар вазирлиги тезкор ходимлари томонидан ўтказилган тадбирда, Тошкент шаҳридаги И.Каримов номидаги халқаро аэропорт орқали Туркиянинг Истанбул шаҳрига 2 нафар аёлларни шаҳвоний мақсадларда фойдаланиш учун юбораётган жиноий гуруҳнинг икки аъзоси қўлга олинди.

    Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, жиноий гуруҳ аъзолари Истанбул шаҳрида қўшмачилик билан шуғулланувчи ўзбекистонлик аёл билан олдиндан тил бириктириб, унинг кўмагида авиачипталар сотиб оладилар.

    Улар Истанбулга юборилаётган аёлларга аввалига 1500 АҚШ доллари ишлаб бериш шарти билан келишадилар.

    Далилий ашёлар билан қўлга олинган 1983 йилда туғилган Қ.А. ва 1985 йилда туғилган У.М.(аёл)га нисбатан тегишли ҳужжатлар расмийлаштирилди, дейилади хабарда.

    » » Фоҳишаликка юборилаётган аёллар Тошкент аэропортида тўхтатиб қолинди