Фото: Kun.uz
Хорижга чиқиш паспорти ва стикер биргаликда амалда тенг қўлланилмайди. Бу ҳақда Тошкент шаҳар Ички ишлар бош бошқармаси бўлим бошлиғи, полковник Санжар Қосимов Kun.uz'га маълум қилди.
Қосимовнинг таъкидлашича, Ўзбекистон фуқаролари учун хорижга чиқиш паспорти ва муддати ўтмаган хорижга чиқиш рухсатномаси ёзувлари қайд этилган 2 йиллик стикер билан чет элга чиқиш мумкин эмас.
«Янги турдаги паспортни олган шахснинг стикери амал қилиш муддати ўтмаган бўлса ҳам “бекор қилинди” муҳри босилади. Шу туфайли, амалда икки ҳужжат билан ҳаракатланиш мумкин эмас», – дейди у.
Қосимов айрим ҳолларда хорижга чиқиш паспортини рад этиш ҳолатларига изоҳ берди: «Узоқ муддатга Ўзбекистон ҳудудини тарк этаётган фуқароларгагина ўз вақтида ҳеч қандай чекловларсиз паспорт олишларига шароит яратиб бериляпти.
Бошқа ҳолларда эса рад этиляпти, чунки ариза топширувчилар ниҳоятда кўп. Ички тартиб бўйича рухсат бериш стикери муддати тугашига 6 ой қолгандагина хорижга чиқиш паспортини олиш мумкин».
2019 йил 1 январидан бошлаб Ўзбекистонда хорижга чиқиш учун 2 йиллик ОВИР стикерлари бериш тўхтатилганди. Бунинг ўрнига 10 йил муддатга амал қилувчи хорижга чиқиш паспорти берилади. Ушбу паспортини олиш учун тўланадиган давлат божи энг кам иш ҳақининг 120 фоизини ташкил қилади (243 276 сўм). 16 ёшга тўлмаган шахсларга хорижга чиқиш паспортини бериш учун тўланадиган давлат божи энг кам иш ҳақининг 80 фоизини ташкил қилади (162 184 сўм).
Ўзбекистон Республикасида доимий яшайдиган фуқаролиги йўқ шахсларга, шунингдек, 16 ёшга тўлмаган шахсларга хорижга чиқиш паспортини бериш учун тўланадиган давлат божи энг кам иш ҳақининг 100 фоизини ташкил қилади (202 730 сўм). “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Қондаги шакар миқдорини тартибга солувчи фойдали мева номи айтилди
АҚШ разведкаси: Украина 2024 йил охиригача урушда ютқазиши мумкин
Бизнес имкониятингизни кенгайтиринг
Зеленский: Россия Украинанинг иссиқлик энергетикасини деярли тўлиқ яксон қилди