2 622
Алламжонов: «Ижтимоий тармоқлардаги ҳақоратли изоҳлар огоҳлантиришдан сўнг ҳам ўчирилмаса жавобгарлик келиб чиқади»
Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги бош директори Комил Алламжонов журналист ва блогерларни агентликка таклиф этиб, улар билан учрашгани ҳақида хабар берган эдик.
Kun.uz мазкур учрашув якунлари бўйича Комил Алламжоновнинг фикрлари билан қизиқди.
«Кеча биз баёнотда эсга олиб ўтган қонун ва унинг моддалари бу — янгилик эмас. Улар йиллар давомида амал қилиб келмоқда. Биз фақатгина қонундан айрим бандларини ўқиб бердик. Бугунги тушунмовчиликдан келиб чиқиб шуни айтаманки, амалдаги қонунчиликка кўра, интернет сайтлар, шунингдек, турли платформалар ва ижтимоий тармоқларда пост жойлаштирувчи блогерлар ўз материаллари остида қолдириладиган шарҳ ва изоҳлар учун жавобгар эмаслар.
Аммо расмий баёнотда таъкидланганидек, агентлик ва бошқа ҳар қандай ташкилот ёки фуқаро бирор ножўя изоҳни ўчиришни сўраб, расмий огоҳлантириш хати юборса ва таҳририят ёки блогер огоҳлантириш олгандан сўнг ҳам изоҳ ўчирилмаса — шундагина жавобгарлик келиб чиқади ва масала ҳаттоки судда кўрилиши мумкин.
Шунинг учун барча ОАВ вакиллари ҳамда блогерларимиздан бундай огоҳлантиришларни кутиб ўтирмасдан, ижтимоий тармоқлардаги эгаси маълум, қалбаки ёки фитна қўзғаш учун атайлаб очилган аноним аккаунтлардан билдирилаётган ҳақоратли ва таҳқирловчи изоҳларни аниқлаб, ўзлари ўчириб боришлари сўралди», — деди К.Алламжонов Kun.uz мухбирига.
Эслатиб ўтамиз, аввалроқ АОКА бош директори Комил Алламжонов ижтимоий тармоқлардаги ҳақоратли изоҳлар учун жавобгарлик борлиги эслатиб, расмий баёнот билан чиқиш қилган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди